- 法勝
- 法汶
- 法泰
- 法淘
- 法浚
- 法泓
- 法渭
- 法綿
- 法洱
- 法泉
- 法靜
《入門》
──法勝
2010-7-25 06:55
我係新入門弟子法勝,呢扁文想打好耐,但因實在太懶所以一直到現在. 尋晚終於四九完功,好多謝錦多師叔伯傅公,這2個月來既教導,我真係好感激 你地,大恩不言謝,我亦言不出,但我會永遠記在心中.我終於明白到師傅講既果種感情 見師傅多過見老豆,好似多左好多家人一樣,外人豈會明白. 我真係很感激師傅師母當我係仔,這樣野係我想都唔敢想既,我唔係細佬,亦唔係第一次學神功 我明白好多師傅只不過當神功係一門生意, 自己中過招,真假係識分的, 師傅師母 感激你地真心對我,當我仔錦教,我係感受到的 只係呢一點就足夠令我佩服,令我打從心底認定你係師傅 何以為師,老實講過去真係冇一個師傅係我肯認的, 我就係錦仆街既人.因為冇一個德行功行可以使我服 但今次真的唔到我唔服 師傅我呢個徒弟跟定你一世,唔好埋甩我啊 因為我很明白,入錯門口,係咩感受 請錦多位前輩多多提點
2010-7-25 08:16
講返自己野啦 終於練完第一個四九功行,有咩得著右真係講唔出.因為每日都好似進步,不知不覺間 就練完了,但肯定既就係,追求既野多左,當練成左呢樣野,就發現有更多新奇野練 好像自己都唔想完錦.恨不得再起一次四九功 實際上得到既 係一條好多人夢寐以求以求陰師俾落既下山弟子符 講到呢條符就西利啦但我都未知有咩用住, 其實點解外家千辛萬苦都拎唔到,我地就有,唔通我地都係醒目仔 ? 我覺得係功行問題,有冇一套實在既功行,同一個有冇心教你的師傅問題(呢d有機會問准師傅再講啦) 身體好左係其2 可能好多人覺得好行,但係自己感覺係最實在的,右解釋唔到 自小哮喘.紫外線.味精.塵.過敏,貧血樣樣齊,但好奇怪2個月來仲未發過(唔知係唔係就錦好發呢? ) 係就爽過威威食雞啦,我仲要可以離譜到去同師傅上山練野晒太陽當然最大得著就緊係得到2個錦鍚我既師傅同師母啦
2010-7-25 08:40
自小經常性見鬼(師公話係我地姬氏特有既靈感,如果係真既就真係多得班太公唔小,有機會見到實好好問候下佢) 拜這所賜我自小都唔敢掀開被訓,十幾年來晚晚發惡夢,唔知幾時會被妖怪食左 講左來都 不過因此我自行研發左一套完善既撞鬼預警機制,同鬼都捉你唔到既走佬方法有需要既人可以問我 唔講題外話.入左門後,我話睇唔到就明昆你既,仲清楚過以前但鬼係見小左,師公就見得多, 不過見師公係仲恐怖,因為你會打從心低牛出來.見鬼都係寒下 不過好開心既係,終於唔係自己一個見到,個心都安落好多. 同埋都係師傅果句鬼右係唔係真係錦得人驚呢?鬼害我地唔到,但人會害到, (但先決條件係你都要有返錦上下) 所以我都係練好d眼火先啦
《唔經唔覺入左門半年啦～》
──法汶
2012-4-7 13:30
各位師兄弟妹大家好, 唔經唔覺原來法汶我都入左門半年啦, 依家先黎向大家請安, 失敬失敬!
呢半年黎我都覺得自己好幸運, 天時地利人和令我可以成日返壇, 入門半年已經完左第二個四九啦~ 第一次冇辦法入足, 第二次終於入足哂四十九日, 真係好幸運~未來都唔知仲有幾多機會可以好似依家咁, 真係要好好珍惜..
講返我入門個陣, 唔知點解我覺得已經入左門好耐咁, 但明明都只係幾個月, 記得當時我仲身繫另一個茅山教門, 但都係一個初哥, 對神功只有基本認識, 之後機緣巧合認識左師父之後, 基本上只係諗左一晚就決定入門, 師父都冇話要考驗下我呀認識下我先就好爽快應承左, 其實當時我亦都唔知實際要練啲咩或者有咩練, 只係好欣賞師父個為人同埋對徒弟個份心, 我感覺到佢會好盡心盡力咁去教好每個徒弟, 良師難求, 依家仲有邊個師父願意花咁多心力去教徒弟, 而且師父係神功既成就亦都好令人信服, 所以我都冇諗太多就決定左入門。
入左門之後, 好多人都對我能唔能夠捱到落去抱住好大好奇, 始終我外表係一介弱質女流, 又係溫室長大, 年紀尚輕, 俗稱’死o靚妹’一個, 可以做到啲咩呢? 我都不停問自己。當時亦都有好多外間既聲音, 曾經令我差啲轉投他門, 最後我毅然斷絕呢啲阻力, 做返自己想做既事, 留低係度, 呢件事都成為我未來引以為戒既一大事。
當我真係開始練功, 進入第一個四九, 其實冇我想像中咁難過, 雖然體力上係多左好多勞動(第一次練完僮我全身酸痛左成個禮拜..), 不過內心係好滿足既, 睇住自己由零開始, 每一日都有少少少少既進步, 滴水穿石, 所有野都真係一點一滴累積返黎, 肉體既辛苦同呢種快樂相比算得係啲咩, 我反而好享受呢種一分耕耘一分收獲既成功感, 只要付出努力就會有所得著, 對於資質平平既我而言係最好既方法。不過諗返轉頭, 付出最大既其實唔係我, 係永遠企係我背後既師父, 真係唔係誇張, 我入足甘多日佢就陪足我甘多日, 我除左交個微薄既學費都唔知可以點樣報答返佢, 仲要成日請返我地食飯…依家我當左壇口係另一個屋企, 師父師母師兄弟妹都係屋企人咁樣啦, 呢份情睇黎都有排還啦哈哈!
未來我都唔知會發生咩事, 我只係希望自己能夠一路堅持落去, 記得今日自己講過既說話, 我相信有任何動盪都離間唔到我地咁多人之間既感情, 對門口既感情 。
哎呀, 女仔講野係長氣啲, 唔知師弟妹有冇咩分享下呢～
弟子法汶經歷分享：
《我學緊茅山，想講下自己既靈異經歷》
點擊進入連結：
http://forum.maoshan73.com.hk/viewthread.php?tid=1600&extra=page%3D1
（寫於30-4-2015，原文在香港討論區加載）
2016-6-13 14:21
接觸神功七年了 拜入本教也是第五個年頭 人生經歷大大小小的事情 由青年轉變為成年人 由零負擔轉變成一身責任 家庭 感情 事業 傳承
回想剛入門的時候 人是熱血的 天空是寬闊的 入門以後 基本算是無憂無慮的行功 閒時腦袋也是思考行功 天馬行空的雜念 也是對神功的響往 可謂全程投入 下班後返壇行功 假期跟師兄弟們陽光與海灘 逛街看電影 烤肉聚會 輕鬆快樂………..回頭一看 那是多麼美好 以前覺得重大且煩惱的事情 現在想來 都是瑣碎細微 可笑可笑 明明那是多麼的幸福
入世修行很困難 很艱難 有人會説 那何不歸隱山林 進山合大道！？ 可以 但那是避靜後得來的清淨 在環境煩雜後 也能保持那顆清淨的心 那才是真功夫 本人也為此在努力 雖然所處面前的現實 日漸多負擔 壓力 社會環境 人心 日漸惡劣 但我相信熬過了後 心裡的雲霧 總會消散 迎來一片光明
《岩岩榮升師姐啦！等我講下感受啦！哈哈！》
──法淘
2012-5-30 02:08
好開心，有新師弟入門，我由輩份最細的小師妹榮升做師姐喇！！鼓掌鼓掌！！ 半年時間過得太快，有好多大大小小既事，但所有事都歷歷在目，當初我識師父既時侯我仲係第二門既第子，當時我妹已經拜左師，我好想去睇下，見識下，拜會 下，在我既角度我覺得並無任何不妥，但當時已經有好多反對既聲音同我講唔應該去，可能驚我既八卦會令我轉拜第二個為師？不過我離開之前個門並唔係因為禁， 當時短短幾個月發生太多事，我睇到好多野，我唔想公開講人的不是，好多野我心裡明白。
我唔理反對既人，某一晚，我同我妹講我想入大棠見一見師父，當時我妹的師母係電話度講：（你師父話今日有人入黎，叫我地早啲入去。）我地都不以為然，入到 去，傾左一陣計先知原來所講既就係我！哈哈，佢點會知？！神奇既事點止一樣，繼續睇我既故事啦！ 記得第一次拜會既前幾日，我隻腳拗左柴，睇左鐵打依然又腫又痛，師父知道後，二話不說將自己係大棠種既田七挖左出黎，仲有私伙鐵打酒，師父師母好忙禁又 煲又切，師父仲幫我摔腳敷藥，當時真係感動到眼淚在心裡流呀！對一個素未謀面既人都可以禁好，試問又有幾多人可以做到？之後我地又見過幾次面，傾過幾次 計，同時間係第二門又發生好多不快事，我決定拜師入門。事後師母同我講，當我第一日見師父佢已經講我三個月內會入門⊙_⊙!
因為種種原因，我冇辦法日日入大棠，練野時間少左，知既野都少左，但每次我入到去都好開心，好充實，練僮，起四九，中間會發生好多你想像唔到既事，發過好多夢，師公教野，雖然而家資歷尚淺，參透唔到……最記得紅黑蛇嚇到我大叫……哈哈，不過我依然都係開心的！
我係一個公認超懶既肥淘淘，但係我做左好多冇人認為我會做既事，例如行山……拔草…… 我諗除左師父之外冇人叫得郁我架喇！所以師父呀師父，我已經冇禁懶架喇！！
係我心目中，師父真係好錫我，我記得我曾經同師父傾過兩次電話，當我有煩惱我都會搵佢，而且師父真係一個好細心，好心細如塵，佢會睇得出我既唔開心，我既 壓力，我缺乏既信心。而且我覺得佢咩都識架！！！尤其係煮餸超好味，我講左好耐減肥都有增無減囉……師父好多野都挑通眼眉，好多事佢都心中有數，徒弟在 做，師父在看呀！
短短幾百字點可能講得哂我入門既感受，有機會的話過多一年半載再出個續集同大家分享，我係一個超重感情既人，所以寫既都係我對師父對大棠既情，未來我再講 多啲練功既野啦哈哈，我希望可以做到一個女法師，幫助有緣人，努力練功吧，雖然我冇師兄姐的天份，勤力，但有師父栽培，有師公扶持，幾幸福，最後我想講既 就係我認為練功第二，品德第一，送俾未來師弟妹，路人，學到幾叻都好，同一法，用於正途是好法，用於歪途就是邪法。入門送的四個字：遺背良心。
《有感而發》
──法浚
2012-6-9 15:04
{氣貫全身，寸步難移，仿如觸電！} 多謝師父&陰師，弟子終於接觸到何為僮的感覺！過去既我曾經在另一門行了不少冤枉路，花費了少許金錢，外間館口洗腦式的對待， 換來一D不愉快既回憶。一切都已成過去！師父係唯一一個令我心悅誠服的人，好多時候發生既事，佢都唔會講到出面甚至唔出聲。但唔代表佢唔知。無論神功定係 做人上，有問必答。與弟子相處融洽打成一片。練功時一直陪伴在旁，觀察變化繼而輔助弟子。此等良師極為難求！多謝師父我會好好珍惜比心機練功！小弟墨水欠奉，如有不當，請大家一笑置之。
《入門@緣份》
──法泓
2014-6-16 15:55
大家好!!我是新入門的弟子
在此我想分享一下小小經歷 故事開始辜且叫我做K先生
我跟本門結緣已經有5年之多 因為小弟結識了一位朋友 知心良友M先生
因為M先生 我認識了輝哥 經由M先生的介紹知道輝哥是神功弟子
此時腦海中立即浮現出很多畫面 刀槍不入 水火不侵 哈!!
經過幾次飯局 幾次出會 對輝哥認識深了
直至四年前 機緣巧合下威靈法壇搬遷到現在的新會址
當日開壇我和M先生都在場 狂風暴風 雷電交加 歷歷在目
亦因為我和M先生有共同的興趣 我認識了C先生 這位年輕人給予我無比動力
因此我也開始在法壇為興趣而起動 可惜日子很短
因為本人肩負了沉重的三個字 這三個字給予我無比的壓力 無數的不愉快經歷
因為這三個字我跟法壇的所有人斷絕來往 這三個字令我消失得無影無蹤
當中事情發展我只可以用一句粗口來形容………!!!!
直至2013年的聖誕節輝哥叫M先生來法壇BBQ
當時我手機響起M先生打來 喂喂K先生 輝哥在法壇BBQ叫我找你一起
我二話不說的就答 好 掛線後腦海在想輝哥為什麼會找我
就由這通電話我跟一班相識很久 但一點都不熟識的人 再次走在一起
直到現在這半年間 我多了一班兄弟姐妹 輝哥亦不介意教我這個無名無份的人
大約兩星期前一餐晚飯 把酒當歌 談笑風生 趁輝哥有醉意我問了一個問題
當初為什麼會叫我去法壇BBQ 輝哥:因為一個人 一個很疼愛你但已經不在的人
聽完這句話我的眼淚不禁落下 我哭是因為開心 同時也是因為內疚
因為在這一序說出現之前 我做了一件錯事 一件直至現在我都沒勇氣去認錯的事
每一晚我都因為這件事而覺得困擾自責 每當下午5時在家裡上香給袓先時 都希望減輕內疚感
可惜不行 幸好有C先生 他察覺到我有點不妥 晚上發MSG問我發生什麼事
繼而輝哥知道 打電話給我 開解我 還有師姐 在法壇練完功很累 也陪我聊天 聽我訴苦
所以我決定意志要比之前更堅定 因為有一個人一直在背後看著我 一直扶助我 我跟M先生商量後 決定入門
昨日入門儀式中途發生了一段小插曲 我突然間暈倒 只是短短2-3秒間 我由如經過了一段長時間
然後輝哥叫我 平靜心情 保持平常呼吸 閉上眼坐在地上 直到自己認為可以就開眼站起來
大約10分鐘我清醒了 回想打坐時 我竟然是什麼都忘記了 好像去了別的空間 只覺得很舒服 好平靜
儀式過後大家在聊天 輝哥說了一句 K先生你家族之前可能有人是茅山弟子 剛才儀式從你的身上有一種熟識的感覺
然後M先生說剛才看到一些畫面 我跟你在某個地方兩人在一起 面對住某座建築物 可能我跟你前世是認識
在大家聊天的過程 M先生說到已前到現在 都是做自己想做的事 突然我腦袋有叮一聲
然後低頭望著胸口 我把衣服脫掉 繼而掉進垃圾筒 感覺肩膀好輕 由如浴火重生 三個字的枷鎖 我終於擺脫了
從今已後 我以新名字 新角色 新家庭 開始我的新生活 輝哥…
!!師父任何事情都暪不過你 弟子如有不妥當 請恨恨責備我 多謝師父 經過幾年時間之後重新接受我 多謝各師兄姐妹們 多謝M先生
《入門》
──法渭
2014-11-28 16:19
大家好,我叫法渭,其實我係一個新入門的師弟,入門大約到目前為止已經有半年,係呢半年我既轉變亦都好大, 好似我身體好左,心態上轉變左,以及個人行為亦好左,加入左呢個家庭令我感覺不同了,我從小在一個複雜的環境成長, 沒什麼兄弟姐妹,加入了後多了一班兄弟姐妹,多了人關心,不再像以前這麼孤單,寂寞,有人可以跟我聊天 未入門口前自己脾氣和心態上也不太好,大約在今年4月尾入完門時,師父已經叫我改下脾氣同唔好咁情緒化,,當時冇聽到所以到近期有點事情後悔了, 我才明白師父的教導方法和佢既包容係十分大,講返點解我入門
其實從小已經感覺到這些”朋友”的存在,只不過看不到,但有1次小時侯自己1個人在家中看到廚房有1黑影閃過,也沒有理會當幻覺 有時候訓教會感覺到壓迫感同好似有人企左係到望住你咁,呢種感覺有時都會影響到自己睡不著,到後來長大了慢慢感覺到這種感覺, 所以一直相信有這些東西的存在同有上網研究下陰陽,茅山等的事情
直到有1日 一位朋友帶我入壇參觀,起初都冇乜特別,入到壇也沒有特別反感和不安 反而有種舒服既感覺,師父就坐埋黎同我講入門要做D乜 ,入門要買D乜比師公咁,當時唔為意 心諗,點解咁快同我講呢D既,我唔係好想入門喎,當然冇講出黎,咁坐到佢地練功果時,佢地一練 我就好頭暈頭痛想嘔咁,到佢地練完我出門口抖啖大氣先冇事,咁參觀完返屋企 直到訓教訓落床閉起眼,哇 感覺忽然強左好多,感覺到身邊有 幾個黑影企係到想壓埋黎咁,大約1-2分鍾後,身體不自然麻痺哂好似比電電咁,呼吸加速,當時心裹很害怕,然後冇左呢D感覺後就訓著左, 第日就打比師父啦,咁師父就叫我入壇 係佢地練功既時候坐係旁邊感受下,問下師公野睇下答唔答你,咁果日返到屋企後再訓教,都依然有 D黑影係到,不過冇左壓迫感,到左第朝忽然有種感覺係,我係時侯要入門修行,最後隔左一日就入門,
入完門直到 一直保持住練功,身體好了,精神了,也感覺到自己在進步,而那些壓迫感和黑影也消失了,有教好訓,我很感激有呢個機會比我入 到呢個門口修練同遇到一個好師父,身體力行 有耐性教導,我在他身上學了很多道理和處事方法 非常感激師父
過往有很多師兄姐都曾經在出面學過,而我反而什麼都沒接觸過,所以我很幸運 一遇就遇到好師父,所以黎緊都會珍惜練功的機會和師父
《隨心舒發之入門》
──法綿
2014-11-28 17:03
各 位，大家好！唔經唔覺法綿已經入左門年幾啦！突然想講講心裏面既感受。我從細到大都對鬼神之說，都特別有興趣，而且感覺比較強烈，所以可能就係咁就同神功 結緣，經過唔少時間，行左一段路，先來到七十三呢個門囗。
仲記得我係由一位師兄引領入門既，當日呢位師兄帶我我入壇，係路上，沿路都係民居，山頭，花花草 草，非常清靜，撲素。點諗都唔會有座壇係到，一入到閘囗，就見到一個著住沙灘褲，黑黑實實既男人，係到淋花。師兄就話呢位就係師父，係介紹自己後，師父望 左我2-3秒到，而且眼神非常凌勵，好有氣勢。入到壇上香比壇上眾位師公後，然後坐低同師父傾計，師父問我有咩感覺，我話壇上師公到曬。師父話，係呀，冇錯呀。之後師父息曬壇入面既燈，剩低壇上幾枝紅燈，叫我坐係壇正中間，好舒服好靜，期間有好多好以星星既物體係屋頂撞來撞去，之後師父話係法，真係好神奇，我都睇到？隨後師兄練僮，當時感覺都有D驚，因為未曾見過僮身可以咁硬咁有力量，而且呼吸大又快，果陣真係睇到o曬嘴，隨候師父叫我試下煉憧，叫師兄吐力比我煉，感覺好奇妙，有觸電既感覺，因為未試過，而且力量好大，所以唔係好頂得順。
隨後良晨吉日就入門了，入門雖然日子唔多長，但得着好多，有幸參與 過五雷教，青竹教，天龍教等。最開心既，得到壇上師公准許，係屋企坐住家壇，方便練功，起功行。而開壇後，師公門就比我賞試得到夢授，即係師公係夢中教弟子，當晚係夢入面，師公仲教我用五雷掌，亦有幸在練功時見到師公，感謝師公法恩。大顯威靈！至於師父，佢乜野都知，弟子做錯野比壇上師公鬧，佢會透過一D 人或一D事話比我知，要我自己諗，從而改變心態及想法，對我在社會上工作有好大幫助佢。無論咩時候，師父同師母對我地師兄弟都係慈父同慈母一樣，完全冇架 子，只想弟子好，心態正面。如果有問題發生，師父會同我傾分析問題，然後建議解決既方法。
講真，好師父難求，所以我覺得好幸運，可以成為師父門下弟子，感謝師父師母包容我既皮氣。亦感謝眾位老師公老師父法恩及帶領，我會記住師父既一句話，神功唔玄妙，係有跡可尋。
最後，我想講，師父！多謝你！
《入門感想》
──法洱
2016/02/15
唔經唔覺已經左9個月啦，衣家先至出文真系有D慚愧
不過有心未怕遲，趁衣家同大家分享下衣段時間噶感想，（本人語文水平一般，寫得差唔好介意）
其實我本身個人就真係對咩野都無咩所謂噶，無理想無追求，霖住平平凡凡咁就一世，不帶走一絲雲彩
不過，唯一真正有興趣噶就系D鬼鬼怪怪噶野，平日同人講得最多噶就系鬼古。
由於某些原因離開左以前噶門口加上感情受挫，灰左一排之後走出左陰霾，有一日上某個討論區睇鬼古，發現左師姐寫噶故事十分有趣，而且修煉噶方法同以前學噶分別真係差幾遠，
忽然好想去睇睇系點，人就系咁，對未知同唔熟悉噶野特別感興趣，就系咁，我就膽粗粗約左個時間入去睇睇（我平時系一個無咩膽量噶人，無朋友帶甚少會去唔熟噶地方）
一入到去就已經覺得真係幾唔簡單，同出面噶壇好唔同，因為位置雖然唔算得系鳥語花香，人間仙境，但係一入門口，已經覺得異常清淨，系個心清淨左（個人感覺，唔系太識表達）
入到壇突然發現好熟悉，好似發夢見過一樣（就好似有時候去到某個位，突然覺得咁噶情景發夢出現過，仲要系一模一樣）
之後就同師傅傾左一陣，覺得衣個師傅好似都唔錯，心中已經有拜師噶決定。
入門之後先至知原來練僮系咁辛苦，睇落好似好簡單好普通，因為平時打波打幾個鐘都無咩野，但係練僮5分鐘左右已經成身出曬汗，練完只腳仲會不停震
但係又好中意衣種感覺，雖然無法力高強衣D追求，但系都會自動自覺去練。
系壇入面，大家平時都會有講有笑，嘻嘻哈哈，但系練起野上黎就認真投入，真係好欣賞各位噶恆心，就好似起功行，功行期間持之以恆入壇練野，自己困身工作，無辦法好似大家咁有時間KEEP住入壇，
真係好羨慕大家。
系衣段時間入面，開心唔開心都經歷過，學到噶野亦都好多，真係好多謝師父，各位師兄師姐師弟肯比機會我學習神功，明功，特別系做人。
睇住越來越多人加入，真係好開心，希望以後大家一團和氣，繼續勤力練功，發揚本門神功 。
《入門》
──法泉
2016-6-14 14:12
大家好,我叫法泉,等我分享一下入門感受,先旨聲名小弟才疏學淺寫得吾好千其吾好打面
吾經吾覺入左門足足一年,呢一年裡面真系學到好多野好充實,見識到可為法,原來學茅山神功有咁多野練(真系頭髮白都未學哂),初頭入門時練僮我對自己完全無信心,多得師父教曉我練僮正確方法,我開始有番D信心,師父成日同我地講滴水功夫系要日日練先至有成果.各位師兄姐弟妹大家努力,加油
好啦講番我點樣入門先,我系從呢個網站認識這個門派,睇睇下覺得幾有趣,我就從網站發個電郵留個電話,諗住入去參觀下先.
過左幾日就有位師姐用whatsapp同我聯絡,咁我就同佢講我可吾可以入去壇參觀下,佢同我講好啦!再約………….(咁就開始左我地第一次約會)HaHa…….
第一次入到壇,嘩好大地方,入到去師姐就介紹呢位就系師父啦!咁就坐低傾下偈,之後又睇到D師兄師姐練野,依….都幾有趣,(其實當時已經想同師父講我想入門)
過左幾日我就打電話比師父講我想入門,師父就講好啦!你要預備D咩,你要買D咩,你吾識買吾緊要,我揾個師兄幫你手.(師父你真系細心)咁我就開始左修練之路.
最後好多謝師父,師母對我悉心教導及照顧,多謝一班師兄師姐對我既提點.希望大家一同努力為本門發揚光大……..大顯威靈
《入門感想》
──法靜
2016-6-15 15:00
見大家咁有興致，我都寫番篇先：
入門至今幌眼已八個多月，怠惰至今實在慚愧。趁今天休假，執筆寫這篇感想與大家分享。
入七十三這門前已曾在外學習神功十數寒暑。所得的只是一堆堆的虛名，自身實在沒啥感覺，除了練僮身時的感覺，其它一無所覺，自問當年回舘頻繁，過的教也多，緣何只換來啤酒肚一個？實在百思不得其解。後來在網上有緣看見真心七十三教的網頁，才知道自己之前只是在嗟咜歲月，根本沒有在修法。正如大家在本網站的其它篇幅所見，本門除卻過教，更有其它方法修練，譬如四九功，一零八功等。至今已修畢两個四九功行，自身感覺是很實在的，從前上香打劍指，只是覺得是一個形式，如今可感覺打劍指的當下，是有法放出去的。僮身也比從前修的好，其它的也不再贅述，不外乎是修練的種種感覺，並非虚無飄渺。當然，世上沒有不勞而獲的事，修法是辛苦的，但我慶幸有緣進入七十三這大家庭。望各師兄弟珍惜這修法機會。順道多謝師父不厭其煩地耐心教導。